PUJANGGA BANJAR

AMAT HIRANG WAN KAI SASAT

Takisah hari nintu, wayah baisukanan hari ahad si Amat hirang bajalanan ka siring, sungsung sudah si Amat nih babuat ka kandaraan inya.

 Kada lawas sampai si Amat nih ka siring,matan parkiran si Amat nih bajalan saurangan haja sambil balilihat, di siring nih banyak nang kawa dilihat, mulai dari manara pandang sampai ka pasar tarapung gin ada di nintu. Wayah si Amat nih bajalan handak ka manara pandang nintuh, maliat si amat nih kai kai pina kabingungan, di paraki ae ulih si Amat kai kai tadih,balalu di takuninya si kai kai tadih “ assallamualikum kai, baapa pian di sini saurangan haja?.” Ujar si Amat hirang tadih,  “wa’allaikumsalam, aku nih nak ae handak bulik” uajr si kai manyahuti si Amat hirang. “hau, mun pian handak bulik,kanaang jadi bagana di sini” hiran si Amat hirang,” aku nih kadada nang maanjurakan bulik ka rumah” jar kai mamadahi si amat hirang, “ amun nang kaya nintu, handakkah pian kai baumpat wan ulun,kaina ulun anjurakan pian ka rumah” jar si amat hirang handak manulungi si kai kai tadih, “ kada mariputakan ikam kah nak?.” “kada kai ae, si nah ulun anjurakan” ujar si Amat mayakinakan si kai, “ mun nang kaya nintu, ayuha aku umpat lah wan ikam”. Ujar si kai tadih.

 Bajalan ae si Amat hirang wan kai, ka parkiran gasan maambil kandaraan si Amat hirang. Imbah sampai ka kandaraa, babuat ae bhnnya badua nih ka kandaraan. “kasi kai,babuat!” ujar Amat hirang manyuruh kai, “iih iih , dah sudah” “pingkutan kai lah, harau tajungkang kaina”.

 Bakandaraan kai wan Amat hirang nih, pamulaan inya badua nih bakandaraan ka taman kamboja, “di intangan mana rumah pian kai?” jar Amat hirang batakun, “asanya parak wan taman pang rumah ku tuh” jar si kai mamadahakan . imbah sampai ka ataman kamboja, kai wan Amat hirang nih bakuliling di taman situ, “iyalah kai, rumah pian parak taman takulilik sudah kita, kada dapat ja lagi rumah pian”, “a iih, rumah ku tuh parak urang bajualan, nangkaya tuku tuku nangkayaitu.” Jar kai tadih hayar kaingataan. Ngaran si Amat nih anak muda, balalu tapikir ae langsung nang di maksud kai nih Duta Mall alias DM, “ohh,bah takanya bapadah mulatan tadih,mun di situ tahu ae ulun.”jar Amat nih. Bakandaraan pulang kai wan Amat hirang nih ka DM,tagal asa ada nang anih wan padahan kai nih,asa kada mungkin jarnya rumah di DM,  “bujur lah kai, rumah pian parak DM?.” jar Amat hirang nih batakun wan kai. “asa lain nah, saingatku rumah ku nih parak wan masigit ganal.”jar kai manyahuti si Amat hirang, “nahh, maka jar parak tuku,ngini parak masigit pulang jar, nang mana nang bujur?.” “parak masigit rumah ku tuh” jar jai mayakinakan si Amat hirang, “ ayuae,kita cuba kasana”. Babuat pulang kai wan Amat hirang nih kakandaraan, bakandaraan ae sidin badua nih ka masigit nang ganal, tagal Amat nih kada manakuni masigit nang mana,jadi ae inya nih manarka narka haja. Pas liwat muka masjid Raya, balalu di takuninya wan kai tadih “uuu kai, ngini masigit ganal jua, nangngini kah?”. “lain,rumah ku lain parak masigit ngini”.jar kai nih mamadahi si Amat hirang. “nah maka jar parak masigit ganal, lain pulang nang mana nang bujur kai, takuliling kita sudah” jar Amat hirang asa garigitan sadikit wan si kai, takuliling pang sudah Amat nih kasana kamari. “jadi nang mana nah rumah pian?.” Jar Amat manakuni kai nih pulang. “rumahku nih di wadah pamulaan kita tadih tuh”.jar kai, mandangar nintu tazikir si Amat nih, “nah, balalu baapa kita takuliling kasana kamari mulatan tadih.” Jar Amat hirang,“ Untung tuha sidin nih, takanya kada, baahh sudah dah” garunum si Amat dalam hati. imbah nintu, bakandaraan ae kai wan Amat nih babulik ka siring tadih, imbah sampai di siring, sakalinya baucap kai nih “tarima kasih nak lah, aku nih sabujurnya handak man tes kakanakan anum di sini banarai, hakun kada manalungi urang tuha nang kaya aku nih” jar si kai tadih.

Takakajut Amat nih mandangar pandiran si kai nih, imbah bapandir nang kaya nintu sidin nih sakalinya mangaluarakan amplop, di julung kai nih wan Amat hirang sambil baucap “ nah nak gasan ikam, gasan manggantii duit bensin ikam”. “ inggih tarima kasih kai, pian jadi nang kaya napa bulik” jar Amat nih pina hahayaan. “ baik banar ikam nak lah, aku ada ja kandaraan gasan bulik” “ iyakah, ayu ae ulun badahulu bulik kai” “ iih, ayuha hati hati lah” “ inggih, assalamualaikum” “ waalaikumsalam”. Sambil bakandaraan amat nih asa kada percaya ja lagi, wan kajadian tadih.

                                                                         TAMAT

Amanatnya nih lah , mun kita manulungi urang nih jangan baharap ada nang mambalas akan, balasannya kaina pahal lawan Allah SWT. Wan bila kita nih ikhlas manulungi urang pasti ada ja kaina razakinya.

UTUH SINGGAH KA BARABAI

Utuh handak tulak ka balikpapan naik bis!! Di pasani mama nya,''amun sudah sampai barabai,hanyar buka tas ikam nie''!!

Tulak ae Utuh nie!! Dalam parjalanan Utuh batakun wan urang di sabalah nya!!

Utuh; paman,nie barabai kah sudah??
Paman; balum lagi!!

Badiam pulang Utuh nie!! habis tu batakun pulang!

Utuh; udah sampai barabai lah paman??
Paman; balum,guring ha dulu kaina mun sampai ku padahi!!

Guring ae Utuh nie,paman tadi taguring jua!! pas parak sampai balikpapan hanyar bangun paman nang di sabalah Utuh tadi!! Utuh nya masih guring!!

Paman; pir pir....kaya apa kakanakan nang guring nie?? Inya handak ka barabai tadi tu,tapi aku taguring!! Kada ingat mamadah akan!!
Supir; aiiissss....kaya apa nie?? Amun di tarus akan kalu pina kanakan nie kada baisi kaluarga di balikpapan,aku kulir mambari makan tarus!! Kaya apa mun kita antar haja ka barabai?? Hitung hitung ba amal! Satujuuuu para panumpang??

panumpang; satujuuuuu.....(baimbaian)

Akhir nya bis tadi babulik pulang ka barabai!! Pas udah sampai.....

Paman; ding ding,bangun sudah,nie sudah di barabai!!
Utuh; ya kah??

Langsung mambuka tas nang baisi nasi kutak,hanyar makan!!

Bingung paman nie....

Paman; Ikam handak kamana gerang sabujur nya??
Utuh; ulun nie sabanar nya handak ka balikpapan,jar mama ulun,mun sudah sampai barabai jangan kada ingat makan!!!

Samua panumpang mimisan mandangar Utuh bapandir!!

Hahaha.....halus mawaluh sudah!!

 PALUI KADA SING GAWIAN

Kisah nya tuh di sabuah kampong ada sabuting kaluarga nang katuju maloloco ja siapa ngah lagi kada lain kaluarga si Palui. Di kaluarga si Palui nih ada bininya,anaknya,lawan siPalui tadih.

Jadi bini palui nih baucap lawan si palui:”bahnya uu abahnya”

Palui manyahuti:”apa umanya”

“anu abahnya ai, pian nih di lakasi bagawi pang, ulunnih supan banar handak kaluar rumah,saban kaluar rumah di sambat urang pian nih pabila bagawi, pabila bagawi ujar tatangga higa mahiga.”

“sabar pang umanya ai ,nih pang lagi mancari gawian nah” Palui manyahuti bininya tadih

“pian nih abahnya ai,dari dahulu mancari tia mancari, pabila dapatnya gawian,haduh hai sarah ja gindah”.

Supan Palui disambat kaya itu lawan bininya, kaluar ai si Palui nih kapalataran rumah, maungut si palui nih mamikirakan kaya apa cara nya bisi gawian. Imbah tuh Palui nih timbul handak mangupi tapi bininya maraju,Palui nih kada wani minta ulah kan kupi lawan binnya. Tulakkai si palui kawarung acil ilim, mamasannai Palui kupi di sana .

Palui bapadah:”cil,kupi pang sacangkir”.

Mandangar palui mamasan kupi, acil Ilim nih laluai manyahuti

“kupi kupi,muha ikam kupi nang samalam ja baluman di banyari, handak mamasan pulang,”.

 Acil Ilim maambil ka buku catatan hutang sidin. “nah lui, maliat lah barataan ngaran ikam jap arak satangah buku dah,handak manambahi pulang lah,uyuh ku mancatat lui yai,hedehhh”.

“uma ai acil Ilim nih kupi ha,kaina ulun bayar pang”.

“iih,ayuha dah kucatat pulang lah”

“inggih inggih”.

Minumai si Palui slruuuuufff, Palui meminum mai kupi tadi,sakalinya barasa pahit prutes sai Palui lawan acil Ilim nih

“napa nih cil, kada begula.”

“bagula bagula,untung jua ku julungi kupi,ku nukar gula baduit jua taulah.”

Kada saapa datang anak Palui si  Anang,si Anang nih handak wadai pisang nang di jual aci Ilim, ja Anang bapadah wan Palui

“bah,bah ulun handak wadai pisang tuh nah.”

Palui mancari alas an supanya kada manukar wadai tadih,Palui kada baduit kada kawa manukarakan

“kada usah.”ja Palui         

“kada yaman kaluku kada baik.”

Mandangar acil Ilim disahuti nya, “apanya kada baik lui,wadai ku nitih baik baik barataan lawan yaman yaman barataan,padah ja lu ai kada baduit kada kawa manukarakan anak kam.”

Mandam ai si Palui di sambat kaya itu, supan banar si palu nih.

“ambilha nang ngai sabigi gasan ikam.” Ujar si Acil Ilim

Kada lawas utuh datang,maliat utuh nih lawan Palui lalu mangiau ai Utuh ka palui, “Lui Palui!!!.”

Mandangar Palui Utuh mangiau,Palui mnyahut, “eihhh tuh,sini sini.”

Mamasannai jua Utuh ka kupi, Maliat Utuh pina yaman, laluai si acil manyambati si Palui, “nah lui,lihati Utuh nih bagawi inya yaman KADA USAH bahutang!!.”

Supan nai si palui di sambat kaya itu, mandangar si Utuh bahwa Palui kada sin gawian manawari ai Utuh ka Palui gawian, “mun kaya itu handak kah ikam bagawi wadah amang haji.”

“ayuha,tapi bagawi napa dulu.”ujar si palui

“manabuk sumur dihiga lui ai, hakun lah.” Utuh mamadahakan

Lakas ai Palui mandangar, “ayuha ayuha.”

Ka isukan hari nya tulak ai si Palui, sakalinya Utuh bahadangan dah di sana, “nah lui lakasi nih nah langsung di tabuk ja sudah ku ukuri dah ,tuh nah alat nya lah,kutinggallakan nai lah.”

Palui manyahuti “iih iih.”

Langsungngai palui manabuk,tuntung palui manabuk tinggal manyamen ja lagi, sakalinya tadilingsir Palui kadalam tabukan tuh, “haduh hai,” ja Palui, “kaya apa nih,” bakuciak kai palui minta tulung, “tulung tulung!!,”

Kadada nang manyahuti, laluai timbul sifat talalu pintar si Palui nih, banaik ai si Palui nih ka atas abistuh mambil tangga sakalinya baturun pulang inya imbah baturun banik pulang pakai tangga tadih.

Kada saapa datang si Utuh,hiran ai Utuh maliat palui pina baluka luka balalu manakuni si Palui “napa ikam lui,pina baluka luka kaya itu”

“tadi ku tagugur ka dalam sumur .” jar Palui.

“kaya apa ikam banaik lui,siapa nang mambantui.” Ujar Utuh kabingungan

“aku mambil tangga tadih di ruamh amang haji,bistu ku banaikkai lawan tangga ka atas.” Palui manyahuti si Utuh nang batakun  tadih.

“astagfirullah hai,uma uma kapintaran banar kam lah lui ai,jadi imbah mambil tangga tadih baturun pulang kam lah,hanyar banaik pulang lawan tangga nitih.”Utuh hiran lawan kalakuan si Palui

“iih tuh hai” Palui manyahut.

Datangai amang haji nih ka higa rumah sidin sambil mambawa amplop baisi upah Palui manabuk akan sumur, “nah lui upah kam.” Ujar amang haji sambil manjulung amplop.

“makasih mang haji lah.”ujar palui sambil mambil amplop.

Bulik ai si Palui nih ka rumah, sakalinya di muka rumah ada dah bini Palui mahadangi, “kaya apa abahnya bagawi,dapat gaji lah sudah pian”

“nah umanya duit upah manbuk sumur tadih.”

Himungngai bini Palui nih laluai pina babaik baik lawan Palui

“abahnya kena bacari pulang lah pian gawian”uar bini Palui.

Maliat kaya itu samangat ai palui mancari gawian

“ayuja umanya tanang ja ikam,ku pasti bacari pulang gawian nang labih bagus.”

“ayuja abahnya ai.”

                                     ~TAMAT~